په کورمه کې د فېبرورۍ پر ۱۷مه د انتخاباتو کمیشن دفتر مخې ته د سرکاري سکولونو استادانو احتجاج کړی.
دوی وايي، په راتلونکو ضمني انتخاباتو کې دوی ته د ووټ اچولو لپاره تر اوسه پوسټل بېلیټ پېپرې نه دي جاري شوي.
د استادانو اتحاديې يو مشر زاهد خان اورکزي د احتجاج پر مهال مشال راډیو ته وويل چې تر د مقررې نېټې يعنې دريمې فېبرورۍ پورې شاوخوا ۶۰۰ استادانو د پوسټل بېلټ پېپرې ترلاسه کولو لپاره درخواستونه جمع کړي ول خو يو کس ته هم بېلټ پېپر نه دی ورغلی.
ستاسې سېسټم د HTML5 په چلولو کې ستونزه لري.
په پښین کې ضمني ټاکنې جمعیت علما اسلام ګټلي
بلخوا په کرمه کې په ۴۵ مه حلقه د کېدونکو ضمني انتخاباتو ریټرنېنګ افسر حیات الله د فېبرورۍ پر۱۷مه مشال راډیو ته هم دومره وويل چې سرکاري اهلکارو ته تر اوسه د ډاک د لارې د رايې اچونې سهولت ځکه نه دې ورکړل شوی چې د هغوی درخوستونه مسترد شوي دي.
د پاکستان الیکشن کمیشن هغو سرکاري اهلکارانو ته د ډاک په لار د ووټ اچولو سهولت ورکوي کوم چې په انتخاباتو ورځ ډیوټي ترسره کوي او دوی ته پوسټل بیلیټ پېپرې د انتخاباتو ورځ نه مخکې جاري کوي.
په کورمه کې د قامي اسمبلۍ د ۴۵ حلقې څوکۍ پروسکال د جمعیت علما اسلام ف ډلې د غړي حاجي منیر خان اورکزي تر مړینې وروسته خالي شوې وه.
پر دې حلقه ضمني انتخابات د فېبرورۍ پر ۱۹مه کېدونکي دي.