نن (د فبرورۍ پر ۲۰مه) د پاکستان سوپر لیګ په نوم د ۲۰ اوریزه کرکټ لوبې په کراچۍ کې د کوټه ګلیډیېټرز او کراچي کېنګز لوبډلو پر سیالۍ پیلېږي.
دا به د کورونا وایرس جهاني وبا له پیلېدو راهیسې لومړی ځل وي چې خلک به په لوبغالي کې دننه د سیالۍ ننداره وکړي ځکه چې د پاکستان حکومت، کرکټ بورډ ته د سټېډیم د ګنجایش د ۲۰ فیصده ځای د ډکولو اجازت ورکړې ده.
دا د پاکستان سوپر ليګ شپږم سيزن دي. په دې کې شپږ لوبډلې برخه اخلي او ټول ۳۴ ميچونه به کېږي. د سوپر ليګ ټولې لوبې به په کراچۍ او لاهور کې کېږي. په دې لوبو کې د نورو نړیوالو لوبغاړو ترڅنګ یو شمېر وتلي افغان لوبغاړي هم برخه اخلي.
د سوپر ليګ فاينل لوبه به د مارچ پر ۲۲مه په لاهور کې کېږي.