په پاکستان کې په تېرو ۲۴ ساعتونو کې د کووېډ-۱۹ ناروغۍ ۲۲۵۸ کېسونه ریکارډ شوي دي.
دا د جنورۍ ۲۹مې پس په هېواد کې د کورونا وایرس تر ټولو زیات کېسونه دي. د جنورۍ پر ۲۹مه په پاکستان کې د کورونا وایرس ۲۱۸۶ کېسونه ریکارډ شوي ول.
د کورونا وایرس په اړه د معلوماتو حکومتي ویب پاڼه وايي چې د مارچ پر ۱۱مه په تېرو ۲۴ ګنټو کې له کووېډ- ۱۹ ناروغۍ ۵۳ کسان مړه شوي دي.
د حکومتي شمېرو تر مخه تر نن سهاره په هېواد کې کورونا وایرس کېسونو شمېر ۵۹۷۴۹۷ ته رسېدلې دې.
خو له ناروغۍ تر اوسه ۵۶۶۴۹۳ کسان بیرته رغېدلي هم دي.