په پاکستان کې د کورونا وایرس له وجې په تیر یو شوا روز کې ۷۸ کسان مړه شوي او څه د پاسه ۴۷۰۰ کسان پرې اخته شوي دي.
د دې وایرس په اړه معلومات خپرونکيحکومتي ویبپاڼې تر مخه د مارچ تر ۳۱مې پورې په ټول ملک کې د کورونا وایرسناروغانو شمېر له شپږو لکو او ۶۷ زرو اوښتی دی. همداراز ۱۴،۴۳۴ یېمړه کړي خو څه د پاسه شپږ لکه او درې زره ترې بېرته رغېدلي دي.
دا هم وګورئ: کورونا ولې په پنجاب او خيبرپښتونخوا کې ډېره ده؟کورونا وایرس د ۲۰۱۹ کال په دیسمبر مياشت کې د چين په اوهان ښار کې راښکاره او بيا ټولې نړۍ ته خپور شو. د دې وایرس نښې سردرد، د بدن درد، زکام، تبه او د ستوني درد دی. پاکستاني چارواکو ويلي چې پر تورخم یې له افغانستانه د وراوښتونکو خلکو لپاره روغتيايي ډلې کښېنولي او که په هر چا کې د کورونا وایرس دا نښې ښکاره شي هغه په قرنطین او يا هم د ټيسټکولو لپاره په لواړګي کې ځانګړي مرکز ته لېږل کېږي.
د کورونا وایرس د نور خپرېدو د مخنيوي لپاره ځينو هېوادونو واکسين هم جوړ کړي دي. په پاکستان کې دا مهال د چين ساینوفام واکسین هغو خلکو ته لګول کېږي چې عمر یې له پنځوس کالو زیاته وي. تر دې مخکې دا د صحت د برخې کارکوونکو ته شوي وو.
د پاکستان د پلان وفاقي وزیر اسد عمر، د مارچ په ۳مه پر ټويټر ليکلي چې نور واکسين یې هم ملک ته وررسېدونکي دي. د هغه په خبره دا واکسین به په پاکستان کې دننه سمبالېږي او ۳ ميليونه ډوزه به ترې جوړ شي.
We will be getting bulk vaccine by mid april from cansino from which 3 million vaccine doses can be made. The bulk vaccine recieved will be formulated, sterilized and packed in Pakistan. For this purpose special equipment has been procured and manpower is being trained
— Asad Umar (@Asad_Umar) March 30, 2021
په همدې حال کې پاکستان يو ځل بيا په ګڼو ښارونو کې تعليمي ادارې بندې کړې او په ودونو کې د ګڼې ګونې په جوړولو یې هم بندیز لګولی دی. حکومت له خلکو غوښتنه کړې چې د کورونا وایرس د مخنيوي لپاره له يوه بله فاصله وساتئ، لاسونه بیابیا په صابن ومينځئ او ماسک وکاروئ.