پاکستان کې د "ايس" نشې کارونه او اغېز

په پاکستان کې که څه هم له ډيرې مودې راهيسې بېلا بېل نشيي مواد کارول کېږي خو له تيرو څو کلونو راهيسې هلته د ميتام فيټامين يا ايس په نوم نشه خپره شوې چې يوشمېر ځوانان او ان ځېنې ښځې هم په اخته شوې دي. دا نشه د انسان مرکزي عصبي نظام اغېزمنوي او د نورو نشو پرتله زياته خطرناکه او تاواني بلل کېږي. د "تورتمونه" اوونيزې خپرونې دې برخه کې په پاکستان کې د ايس نشې پر خپرېدو، استعمال او اغېز بحث شوی دی. دا خپرونه هره اوونۍ ستاسو لپاره احمد شاه اعظمي جوړوي.