د پاکستان وزيراعظم وايي، تحريک لبیک پاکستان حکومتي عملداري چېلنج کړه نو ځکه يې دوی پرضد کاروايي وکړه.
عمران خان نن( د اپرېل پر ۱۷مه) په خپل ټويټ کې ویلي دي چې مذهبي ډلې تحريک لبیک پاکستان چې کله د تشدد لار خپله کړه، پر خلکو او امنيتي ځواکونو يې حمله وکړه نو هله يې پرضد د ترهګرۍ قوانينو لاندې کارروايي وکړه.
میں سب پر واضح کر دوں کہ: ہماری حکومت نےتحریک لبیک پاکستان کیخلاف انسدادِ دہشت گردی قانون کےتحت جبھی کارروائی کی جب انہوں نےریاستی عملداری کو للکارا اورکوچہ و بازار کو فساد سےبھرتےہوئےعوام اور قانون نافذ کرنے والےاداروں پر حملہ آور ہوئے۔ کوئی بھی آئین و قانون سےبالاترنہیں ہوسکتا۔
— Imran Khan (@ImranKhanPTI) April 17, 2021
د پاکستان حکومت د ترهګرۍ مخنیوي له قانون سره سم، پر مذهبي ډلې تحریک لبیک پاکستان بندېز لګولی دی.
دا تر هغه وروسته ده چې د دې ډلې پلویانو د اپرېل پر ۱۲مه د خپل مشر علامه سعد حسین رضوي تر ګرفتارۍ وروسته مظاهرې پیل کړې.
په دې مظاهرو کې د حکومتي چارواکو په وينا ځينې کسان مړه شوي او د پوليسو په ګډون سلګونه کسان ژوبل شوي دي.
د تحریک لبیک غړیو او پلویانو غوښتنه کوله چې د فرانس سفیر دې له پاکستانه واېستل شي ځکه چې د دوی په نظر دغه هېواد په شارلي هیبدو مجله کې د اسلام د پيغمبر د خاکو چاپولو د حق دفاع کوي.
په فرانس کې تېر کال (۲۰۲۰۲ز) یوه ۱۸ کلن چېچن توکمه کس د ښوونځي یو ښوونکی په ټولګي کې زده کونکو ته د بیان ازادۍ د درس پر مهال د اسلام پیغمبر د خاکو ښوولو په تور وواژه.
د فرانس ولسمشر اېمانوېل مېکرون له هغه وخت راهیسې د پیغمبر د خاکو خپرولو دفاع کړې.