د اسراییلو او فلسطینیانو ترمنځ د پنځه ورځنۍ جګړې د درولو لپاره د نړیوالو غږونو باجود جګړه دوام لري او د مرګ ژوبلې شمېره مخ په زیاتېدو ده.
د اسراییلو جازونو پر غزه نوې هوايي حملې کړي دي او د حماس وسله والو پر اسراییل راکټې ویشتي دي.دا په داسې حال کې ده چې د دواړو خوواو تر منځ جګړه په پنځمه ورځ روانه ده.
اسراییلو د مې پر ۱۵مه پر غزه وروسته له هغې حملې زیاتې کړي چې په غربي پټۍ او له لبنان سره پر سرحد تشدد رامنځ ته شو.
په دغه سیمه کې د اسراییلیو ـ عربانو او یهودانو تر منځ د تاوتریخوالي له پېښو وروسته ناکراري زیاته شوې ده.
فلسطینیو روغتیاپالانو وویل چې د غزه په غربي سیمه د هوايي حملو له امله لږ تر لږه اووه کسان او نور بیا په نورو بریدونو کې وژل شوي دي.
د اسراییلو په دوه لویو جنوبي ښارونو کې بیا د حماس لخوا د راکټونو د ورېدو خبرداري لپاره د خبردارۍ زنګونه ووهل شول.
دا هم وګورئ:
حماس په حملو کولو سره تر سرې کرښې اوښتی: نتن یاهود اسراییلو او فلسطینانو ترمینځ د تاوتریخوالي عکسونهاسراییلو د زیاتېدونکې شخړې په ترڅ کې پر غزه بریدونه ډېر کړي
فلسطینیانو ویلي چې د مې پر ۱۴مه په غربي پټۍ د مظاهرچیانو او اسراییلو امنیتي څواکونو تر منځ په نښتو کې ۱۱ کسان وژل شوي. د فلسطین د صحت وزارت په وینا ۵۰ نور کسان د اسراییلي ځواکونو په ډزو کې ژوبل شوي دي.
فلسطینيو طبي چارواکو خبر ورکړی چې د مې ۱۰مې راهیسې په غزه کې لږ تر لږه ۱۳۲ کسان وژل شوي دي چې پکې ۳۲ ماشومان او ۲۱ ښځې شاملې دي. د هغوی په خبره د دې سربېره ۹۵۰ نور کسان ژوبل شوي دي.
د اسراییلو پوځ وايي چې په غزه کې یې د هغو ټونلونو نظام ډېرې برخې ته یې د کاروايي پر مهال زیان رسولی چې وسله والو استعمالول.
ستاسې سېسټم د HTML5 په چلولو کې ستونزه لري.
هوايي بمباريو او راکټي بريدونو غزه او اسراييل کې سلګونه کسانو ته مرګژوبله اړولې
د اسرایيل او فلسطين ترمنځ وروستی تاو تريخوالی د تېرې اوونۍ په اخره کې د بېت المقدس د الاقصی جومات په دهلیز کې د نا ارامۍ له وجې رامنځته شوی دی. دا جومات د مسلمانانو او يهودانو دواړو لپاره مقدس دی.
ټاکل شوی چې د ملګرو ملتونو سلامتي کونسل په دې صورتحال یوه غونډه وکړي.