هند او پاکستان کې توپاني بارانونو تاوانونه اړولي

هند د کورونا وایرس وبا له وجې د ناورين ترڅنګ اوس د سمندري توپان د زیانونو سره هم مخامخ دی. د مې تر ۱۹مې د تېرو دوو ورځو بارانونو او سيلۍ په هند کې لږ تر لږه ۱۷ کسان وژلي‌ او په سلګونو کورنۍ یې بې کوره کړې دي. د هند په ګاونډي پاکستان کې د کراچۍ هغه اوسېدونکي هم له دې توپانه زيانمن شوي چې د سمندر پر غاړه مېشت دي. د هند پوځ په ځينو سيمو کې د هېلېکاپټرو له لارې خلک خوندي ځايونو ته رسولي خو لا هم ځينې خلک د ژغورنې په انتظار دي. نور حال یې د رویټرز خبري اژانس په ویډیويي رپورټ کې.