په کوټه کې د احتساب عدالت جج منور شاهواڼي د مې پر ۲۵مه نېټه د بلوچستان په تاریخ کې د درغلۍ تر ټولو لویې مقدمې پرېکړه واروله.
عدالت د دغه صوبې د خزانې پخواني سېکرېټري مشتاق ریساڼي ته د ۱۰ کاله او د پخواني اعلا وزیر سلاکار خالد لانګو ته دوه کاله دوې میاشتې د بند سزا اورولې ده.
په کوټه کې د احتساب عدالت په پرېکړه کې ویل شوي چې مشتاق ریساڼي ته له بند سره سره د هغه ټول جاییداد به ضبطېږي. په دې مقدمه کې یوبل تورن کس او د پخواني اعلا وزیر ډاکټر مالک بلوڅ سلاکار خالد لانګو ته هم سزا ارول شوې خو عدالت ويلي چې د لانګو د بند سزا کې به له ورځې هغه وخت هم شمېرل کېږي چې نوموړي د مقدمې پرمهال په جېل کې تېر کړی وو.
دا هم وګورئ:
په پاکستان کې اداري فساد زيات شوی: د روڼتيا نړيوال سازمانپوځي مشران خپله پیزې خوري موږ په چای تېرباسي: مولانا فضل الرحمنپاکستان کې رشوت اخېستنه د کمېدو پرځای زیاته شوې: عادل جېلانيیاده دې وي چې په ۲۰۱۶ز کال د مې میاشتې پر ۶مه نېټه پولیسو د مشتاق ریساڼي پر کور چاپه وهلې وه چې د پولیس په وینا ۶۴ (څلورشپته کروړه) روپۍ، سره زره، نوره ګاڼه او قیمتي موټران یې ترلاسه کړي ول.
روڼتيا نړيوال سازمان د ۲۰۲۰ز کال په خپل کلني راپور کې ويلي چې په پاکستان کې د تېرو کلونو پرتله درغلي (کرپشن) زياته شوې ده.