د کډوالو نړيواله ورځ: پاکستان کې د افغان کډوالو ژوند څنګه دی؟

نن (د جون ۲۰مه) د کډوالو نړيواله ورځ ده. د ملګرو ملتونو د کډوالو ادارې په وينا د جنګونو او نورو ناوړه حالاتو له کبله په نړۍ کې د کډوالو شمېر تر ۸۰ مليونه اوښتی دی. افغانستان د نړۍ هغه درېيم هېواد دی چې زيات وګړي يې کډوال شوي او زياتره يې پاکستان او ايران ته تللي. د ۲۰۲۱ز کال د کډوالو نړیوالې ورځې موضوع روغتيا، تعليم او لوبو ته د کډوالو لاسرسی دی. دا چې په پاکستان کې دا وخت څومره افغان کډوال مېشت دي او د تعليم، روغتيا او لوبو په برخه کې يې وضعيت څنګه دی؟ احمد شاه اعظمي يې په اړه راپور لري.