د ننګرهار د والي دفتر وايي، امنیتي سرتېرو یو مشکوک ځانمرګی بریدګر نیولی دی.
دفتر د اګست پر ۱۱مه په بیان کې ویلي چې مشکوک بریدګر خالد نومېږي چې د پچیر و اګام ولسوالۍ اوسېدونکی دی او د وسله والو طالبانو قوماندان پر افغان امنیتي سرتېرو د ځانمرګي برید لپاره چمتو کړی وو.
بیان وايي، د ملي امنیت منسوبینو هغه بریدګر د پچیر و اګام ولسوالۍ په حدودو کې نیولی دی.
بیان زیاتوي چې خالد د خپل جرم اعتراف کړی دی او تر پلټنو لاندې دی.