پښتو موسيقي زوال خوا ته روانه ده: استاد اې ار انور

د دې اوونۍ د "هارون باچا هنري ګړۍ" خپرونې مېلمه مو په پېښور کې د موسيقۍ يو استاد اې ار انور دی. د نوموړي پلرنی ټاټوبی د صوابۍ سليم خان کلی دی، خو دی په کراچۍ کې زېږېدلی او هم هلته يې د سکول او کالج د زده کړو ترڅنګ د موسيقۍ درسونه هم اخيستي. استاد انور يو شمېر شاګردان روزلي او واي چې د پښتونخوا حکومت ته يې د يوې هنري اکاډمۍ جوړولو لپاره خپله يوه طرحه هم وړاندې کړې. د استاد په خبره، د پښتو زياتره اوسنۍ سندرې د شعر او موسيقۍ د معيار له پلوه کمزورې دي. د اې ار انور دا خبرې او جوړې کړې ځينې سندرې يې د غږ په ځای کې اورېدای شئ.