غواړم په پېښور کې زياتې معياري سندرې رېکارډ کړم: رېشم يوسفزی

د دې اوونۍ د "هارون باچا هنري ګړۍ" خپرونې مېلمه مو د سوات د خوازه خېلې يو ځوان سندرغاړی رېشم يوسفزی دی. نوموړی شعر هم ليکي او پلان لري چې خپله شعري ټولګه چاپ کړي. دی وايي، له دې امله د مېنګورې په يوه سټوډيو کې سندرې جوړوي چې د پېښور د سټوډيوګانو د خرچو وس نه لري. د رېشم يوسفزي د ژوند او هنر په اړه د ده خبرې او ځينې سندرې يې د غږ په ځای کې اورېدای شئ.