د افغانستان لپاره د دې هېواد د ګاونډیو هېوادونو خاصو استازیو د سېپټېمبر پر پنځمه د انټرنیټ له لارې غونډه کړې ده.
د پاکستان په کوربتوب شوې دې غونډه کې ایران، چین، تاجکستان، ازبکستان او د ترکمنستان استازیو د افغانستان د سولې پر اهمیت بحث کړی دی.
د افغانستان لپاره د پاکستان د وزیراعظم ځانګړي استازي محمد صادق د دې غونډې څه تفصیل او عکسونه پر خپله ټوېټر پاڼه خپاره کړي دي.
Pakistan chaired the virtual meeting of Special Representatives of neighboring countries of Afghanistan. Colleagues from 🇮🇷 🇨🇳 🇹🇲 🇺🇿 🇹🇯 were unanimous that peace in Afghanistan is vital for security, stability and prosperity of the entire region. pic.twitter.com/FXGnKMFOta
— Mohammad Sadiq (@AmbassadorSadiq) September 5, 2021
هغه ویلي چې د غونډې ګډونوالو پر دې اتفاق کړی چې د افغانستان سوله د ټولې سیمې د امنیت، ټیکاو او پرمختګ لپاره حیاتي ارزښت لري.
محمد صادق همداراز زیاته کړې چې یو سوله ییز افغانستان به همداراز د اقتصادي نوښتونو، د خلکو د قوي تړاو، پرمختللې سوداګرۍ او سیمه ییزې سوکالۍ کې رول ولوبوي.
د افغانستان لپاره د پاکستان، ایران، چین، تاجکستان،ازبکستان او ترکمنستان استازیو د ورته ناستو په دوام باندې هم ټینګار کړی دی.