په افغانستان کې د طالبانو حکومت وايي، هغه کسان یې نیولي دي چې په کابل کې یې هندوان ځورولي ول.
د طالبانو د حکومت ویاند ذبیح الله مجاهد د اکتوبر پر نهمه پر ټویټر ولیکل چې دا کسان یې له نیولو وروسته عدلیې چارواکو ته معرفي کړي دي.
Those who harassed Hindu minority in Kabul are arrested and brought to justice #ZabihullahMujahid Google translate https://t.co/dFq6iiKFPb
— Irfan shah (@Irfanspeak) October 9, 2021
خو نوموړي دا نه ده څرګنده کړې چې دا څو کسان دي او د کومې پېښې په تړاو نیول شوي دي.
دا تر هغه وروسته ده چې د سېپټېمبر پر ۲۹مه د افغانستان د پخوانۍ مشرانو جرګې غړې انارکلۍ هنریار مشال راډیو ته وویل چې یو شمېر کسان د کابل په پروان مېنه کې یوې ګردوارې ته ننوتي، د ساتونکو خولې یې تړلې وې او د هغوی تلاشي یې کړې وه.