د طالبانو حکومت وايي، د ۱۰۰،۰۰۰ کسیزه پوځ جوړېدو کارونه په بشپړېدو دي.
د طالبانو د حکومت ویاند ذبیح الله مجاهد د جنورۍ پر درېیمه مشال راډیو ته وویل، د پوځ جوړښت لپاره ټول پلانونه برابر شوي او پخواني مسلکي افسران به هم پکې وي. نوموړي د دې ترڅنګ په پوځ کې د ښځو د شاملولو خبره هم وکړه.
د اګست پر ۱۵مه پر افغانستان د طالبانو له واکمنېدو سره سم، د افغانستان پخوانی ملي پوځ، پولیس او د ملي امنیت شاوخوا ۳۰۰،۰۰۰ کسیزه ځواک ړنګ شو. بهرنیانو، په تېره امریکا، د افغانستان ملي امنیتي ځواکونه تمویلول. تر اوسه معلومه نه ده چې طالبان به خپل پوځ څنګه تمویلوي.