پاکستان کې د افغان کډوالو ابتدايي ښوونځیو د نصاب بدلون

په پاکستان کې د افغان کډوالو د کیمپونو مشران او استادان وايي، د ملګرو ملتونو د کډوالو ادارې (یو اېن اېچ سي ار) په ابتدايي سکولونو کې نصاب او د تدریس ژبې بدلولو ته دوام ورکړی دی. دوی له مشال راډیو سره په خبرو کې وویل چې یو اېن اېچ سي ار له دې کار سره ماشومان په مورنۍ ژبه له زده کړې بې برخې کړي دي او استادان یې هم سم نه دي روزلي. خو د ملګرو ملتونو د کډوالو اداره وايي، دا کار یې ځکه وکړ چې افغان ماشومان د ښه کیفیت عصري زده کړو ته لاسرسی ولري او دا چې د استادانو د روزنې بهیر دوامداره دی. رپورټ د غږ په ځای کې واورئ.