بچه پوش: صنم ولې د هلک په شان ژوند کولو ته مجبوره کړل شوې؟

پر افغانستان د طالبانو له واکمنۍ وروسته که يو خوا بېکاري زياته شوې او ګڼ کسان يې له اقتصادي ستونزو سره مخامخ کړي دي، نو بلخوا په دا ډول نرواکه ټولنه کې ځېنې وخت مور و پلار يوې ماشومې نجلۍ ته د هلک جامې ورپه غاړه کړي چې بيا تر ځوانۍ د هلک په شان کار او ژوند وکړي. دغه دود ته په دري ژبه "بچه پوش" ويل کېږي. اسوشيېټېډ پرېس اژانس په کابل کې پر همداسې يوې کورنۍ ويډيويي راپور جوړ کړی چې احمد شاه اعظمي پښتو کړی دی.