د پاکستان سوپر ليګ (پي اېس اېل) کرکټ اووم پړاو سياليو پايلوبه نن د فبرورۍ پر ۲۷مه د لاهور په قذافي سټېډيیم کې کېږي.
دا سيالي د ملتان سلطانز او لاهور قلندرز لوبډلو ترمينځ ده چې د پاکستان له وخت سره سم د ماښام پر اووه نيمې بجې پیلېږي.
د فبرورۍ پر ۲۵مه د لاهور قلندرز او اسلام اباد یونايټېډ ترمينځ لوبه وشوه چې لاهور قلندرز په شپږو منډو وګټله.
د نیمه پایلوبو په بله سیالۍ کې د فبرورۍ پر ۲۴مه د اسلام اباد یونایټېډ لوبډلې پېښور زلمي ته ماته ورکړې وه.
د پي اېس اېل په اوومه ۲۰ اوریزه اتلولۍ کې شپږ لوبډلو برخه اخیستې ده.
دا سیالۍ د جنورۍ پر ۲۷مه په کراچۍ کې پیل شوې او د فبرورۍ تر اوومې پورې لوبې هم هلته په نیشنل لوبغالي کې وشوې.
تر هغې وروسته پاتې ټولې سیالۍ په لاهور کې وشوې او پایلوبه یې هم په لاهور کې ده.