په پولېنډ کې د افغانستان سفارت ویلي تر دې دمه ۲۰۰۰ افغانان له اوکراینه دغه هېواد ته رسیدلي دي.
دا خبره سفارت د مارچ پر درېيمه پر فېسبوک پاڼه ليکلې ده. بل خوا د پولېنډ د لومړي وزير دفتر ویلي چې د افغانانو په ګډون د نړۍ د ټولو هېوادونو هغو وګړيو ته چې د اوکراین له جګړې تښتېدلي، ښه راغلاست وايي.
پر پولېنډ سربېره ګڼ افغانان د اوکرایین نورو ګاونډیو هېوادونو سلوواکيه، رومانیا او هنګري ته هم تللي.
In just seven days we have witnessed the exodus of one million refugees from Ukraine to neighbouring countries.For many millions more, inside Ukraine, it’s time for guns to fall silent, so that life-saving humanitarian assistance can be provided.
— Filippo Grandi (@FilippoGrandi) March 2, 2022
پر اوکرایین د روسیې جګړه نن (مارچ درېيمه) اتمه ورځ ده او د ملګرو ملتونو د کډوالو ادارې (يو اېن اېچ سي ار) مشر فليپو ګراندي پر ټويټر ليکلي ول چې د جګړې له کبله يو مليون کسان ګاونډي هېوادونو ته کډه شوي دي.
نوموړي زیاته کړې چې د هغو ملیونونو کسانو لپاره چې په اوکراين دننه دي، د بشري مرستو رسولو لپاره بايد جګړه ودرېږي.