د پاکستاني خبريالانو وفاقي اتحادیې د وزيراعظم شهباز شريف پر حکومت غږ کړی چې د بیان ازادۍ بهترولو لپاره دې پاخه ګامونه واخلي.
دوی دا غوښتنه، هر کال د مې په درېيمه په نړۍ کې د رسني د ازادۍ د ورځې د لمانځنې په مناسبت کړې ده. د مې په دويمه د پاکستان فيډرل يونين اف جرنلیسټس په يوه خبرپاڼه کې وويل چې په دې ورځ بايد نوو چارواکو ته وریاده شي چې د خبریالانو د ستونزو ختمولو لپاره کار وکړي او د رسنيو په مخ کې پراته خنډونه ختم کړي.
پي ايف يو جې په خپل بیان کې د تحريک انصاف په تېر شوي حکومت نيوکې کړې او ويلييې ديچې هغوی د سختو قوانينو په راوړل سره د خبریالانو او رسنيو د خاموشه کولو کوښښکاوه. په بیان کې زیاته شوې چې هيله لري نوی حکومت هغسې کارونه ونه کړي او د بیان ازادۍ ته ژمن پاتې شي.
PFUJ expresses resolve to continue fight for ensuring freedom of expression @OfficialKUJ @IFJGlobal @geofahmigeo @AsmatullahNiazi #WorldPressFreedomDay pic.twitter.com/l96T3WEeab
— PFUJ Official (@OfficialPfuj) May 2, 2022
د پاکستان نوی حکومت له څو اپوزیشن ګوندونو جوړ دی چې د وزيراعظم به توګه یې مشري، د مسلم ليګ (ن) مشر شهباز شريف کوي.
دې ايتلافي حکومت لا واردمخه د تېر تحريک انصاف حکومت په وخت پر رسنيو د څارنې ځيني لګول شوي بندیزونه ختم کړي دي. په دې کې د رسنيو د پرمختيا په نامه د هغې ادارې له منځه وړل هم شامل ديچې د بشري حقونو ادارو، خبریالانو او رسنيو پرې تور لګاوه چې د پخواني وزیراعظم عمران خان حکومت د بیان ازادۍ د کنټرول لپاره جوړه کړې ده.
دا هم وګورئ: اېمنسټي انټرنېشنل: پاکستان کې د بيان ازادي محدوده شوې او جبري تښتونې دوام لريد اطلاعاتو وفاقيوزیرې مریم اورنګزېب د اپريل په ۱۹مه، د رسنیو د پرمختګ ادارې (پاکستان میډیا ډېوېلپمنټ اتارټي یا پي ايم ډي اې) د ختمولو اعلان وکړ او وې ويل چې په هېواد د برېښنايي رسنیو د انتظام اداره (پاکستان الېکټرانيک میډیا رېګولېټري اتارټي یا پیمرا) وار له مخه موجوده ده نو د بلې ادارې اړتیا نه شته.
اورنګزېب زیاته کړه چې حکومت یې د پرېوېنشن اف الېکټرانېک کرایمز ایکټ (پېکا) یا د برېښنايي جرمونو د مخنیوي په قانون کې ترمیمي ارډېننس ته هم بیا کتنه کوي.
په پاکستان کې د تېر یو کال په موده کې پر رسنیزو ادارو او د رسنیو پر کارکوونکو ۸۶ بریدونه شوي دي چې پکې څلور خبریالان وژل شوي دي. د رسنیو د ازادۍ او حقونو لپاره کارکوونکې ادارې فریډم نېټورک د اپرېل پر ۲۸مه په رپورټ کې وويل چې په تېر یو کال کې پر ۸ خبریالانو حملې شوې دي او ۱۱ خبریالانو ته د مرګ ګواښونه شوي دي.