د پاکستان وزيراعظم شهباز شريف ویلي، حکومت یې د مطبوعاتو او بيان ازادۍ ته په "مکمله توګه ژمن" دى.
نوموړي د مې پر څلورمه پر ټوېټر په بیان کې ويلي چې پاکستان د پخواني وزیراعظم عمران خان په واکمنۍ کې يوازې تېر کال د مطبوعاتو د ازادۍ په فهرست کې ۱۲ او په ټوله دوره کې یې ۱۸ درجې شاتګ کړی دی.
Pakistan fell 12 points on Press Freedom Index during last year of Imran Khan%27s govt & 18 points during his tenure. It not only earned him shameful title of "press freedom predator" but also placed our democracy in bad light. We are fully committed to freedom of press & speech!
— Shehbaz Sharif (@CMShehbaz) May 4, 2022
وزیراعظم زیاته کړې چې دې کار نه یوازې عمران خان ته "د مطبوعاتو ازادۍ د محدودوونکي" نوم ورکړ بلکې د پاکستان جمهوریت یې هم بدنامه کړ.
د تحریک انصاف پخواني حکومت به په بیا بیا دا تورونه ردول چې ګواکې د بیان پر ازادۍ یا پر مطبوعاتو یې قدغنونه لګولي دي. عمران خان هم دا دریځ تکراراوه چې د هېواد رسنۍ له "بشپړې ازادۍ برخمنې" دي.
د بې سرحده خبریالانو سازمان په تازه درجه بندۍ کې په ۱۸۰ هېوادونو کې پاکستان پر ۱۵۷م نمبر دی. په ۲۰۲۱ کال کې پاکستان په ۱۴۵م او په ۲۰۱۸ز کال کې په ۱۳۹م مقام وو.