د افغانستان لپاره د خوړو نړیوال پروګرام د هند لخوا د افغان ولس لپاره د ۵۰ زره ټنه غنمو مرستو لېږل ستايلي دي.
د خوړو نړیوال پروګرام پرون (جون ۱۳مه) پر خپله ټویټرپاڼه لیکلي چې یو لوړ رتبه پلاوي یې کابل ته د دې لپاره سفر کړی چې وویني، هغه غلې دانې چې دوی یې راټولوي، په څه ډول په ژرنده کې اوړه کېږي او څه ډول هغو کورنیو ته وېشل کېږي چې خواړه نه لري.
Thank you #India 🇮🇳 for your generous contribution of 5⃣0⃣,0⃣0⃣0⃣ MT of wheat grains to @WFP for the people of #Afghanistan. A high-level delegation visited #Kabul to see how we mill the grains & fortify the flour in a local factory for distribution to food insecure families. pic.twitter.com/o9Qdtmrg4i
— WFP Afghanistan (@WFP_Afghanistan) June 13, 2022
د خوړو نړیوال پروګرام يوه چارواکې د ياد پروګرام پر ټویټرپاڼه په خپرې شوې لنډه ويډيو کې د افغانستان لپاره د هند د مرستو مننه کوي.
نوموړې زياتوي، " دغه غنم چې زما تر شا یې وینئ، په یوه میاشت کې به څلور لکه کسانو ته خواړه برابر کړي."
له افغانستان سره د هند د ۵۰ زره ټنه غنمو مرستې ډېره برخه د پاکستان له لارې افغانستان ته انتقال شوې او نوي ډیلي ژمنه کړې چې په هند کې د غنمو پر کمي سربېره به خپله ژمنه پوره کړي.