وږمه د خپل هنر او کړېدلي ژوند کيسه کوي

د دې اوونۍ د "هارون باچا هنري ګړۍ" خپرونې مېلمنه نوميالۍ سندرغاړې وږمه ده. نوموړې وايي، څه د پاسه ۳۵ کاله يې پښتنو ته سندرې وويلې. پر دې سربېره چې نوموړې په وروستيو کې ناروغه شوې وه او درملنه يې روانه ده، لا هم سندرې وايي. وږمه د خپلو سندرو له مينه والو غواړي چې تر خپلې وسې دې ورسره مالي مرستې وکړي. دې د خپلو سندرو خپرولو لپاره يوټيوب چينل هم جوړ کړی او پر پښتنو غږ کوي چې هغه سبسکرايب کړي. د وږمې د ژوند او هنر په اړه د هغې خبرې او ځينې سندرې يې د غږ په ځای کې اورېدای شئ.