ماسټر رحيم ګل په خیبر پښتونخوا کې پر موسیقۍ د بندیز لګېدو ویره لري

د دې اوونۍ د “هارون باچا هنري ګړۍ” خپرونې مېلمه د کواټ يو پېژندلی سندرغاړی ماسټر رحيم ګل دی. نوموړی وايي، د هنر يې ۳۰ کاله وشول خو زياتوي چې له تېرو شاوخوا څلورو کلونو راهيسې د ده په شمول د سيمې هنرمندان له مالي او امنيتي ستونزو سره مخامخ دي. رحیم ګل وايي، د پښتونخوا د جنوبي ضلعو په کليو کې يو وارې بيا سختدريځه ډلو فعالیتونه پیل کړي او هنرمندان د موسيقۍ پروګرامونو ته نه پرېږدي. د نوموړي خبرې او ځينې سندرې يې د غږ په ځای کې اورېدای شئ.