د سیند صوبې د قدرتي افتونو د نظم ادارې په خپل یو رپوټ کې ویلي چې په هغه صوبه کې په سیلابي بارانونو کې د مړو شویو کسانو شمېر ۲۶ ته رسېدلی دی.
دې ادارې د جولای پر ۱۱مه په خپل یو رپوټ کې ویلي چې په دغو کې ۱۴ کسان په کراچۍ، ۹ په ټټه، ۲ په خیر پور او یو په سکر کې د بارانونو او د کورونو د چتونو راپرېوتو له وجې مړه شوي دي.
د سیند صوبې وزیراعلی مراد علي شاه د جولای په ۱۱مه، د سیلاب ځپلو سیمو دوره کړې او د وزیراعظم شهباز شریف لخوا یې د سیند حکومت سره د مرستو کولو د اعلان هرکلی کړی. شهباز شریف د جولای پر ۱۱ مه په خپله ټویټر پاڼه لیکلي چې تمه لري په کراچۍ کې به ډېر زر ژوند عادي حالت ته راوګرځي اوو که په دې لړ کې د صوبايي حکومت څه مرسته پکار وي، نو وفاقي حکومت به یې ورورسوي.
Just spoke to CM Syed Murad Ali Shah. Deeply saddened by the tragic losses due to torrential rains in Karachi. I am confident that Sindh govt will rise to the occasion & bring life back to normal under the able leadership of CM Sindh. Have offered to extend every possible support
— Shehbaz Sharif (@CMShehbaz) July 11, 2022
په سیند صوبه کې تر ټولو زیات تاوانونه په کراچۍ کې خلکو ته اوښتي. پر ټولنیزو رسنیو په خپرو شویو ویډیوګانو کې ښودل کیږي چې لارې او سړکونه بند دي، په ځینو سیمو کې د خلکو کورونه له سیلابي اوبو ډک شوي او په ځینو سیمو کې ګاډي هم اوبه وړي دي.
بلخوا په بلوچستان کې د قدرتي افتونو د نظم ادارې د جولای په ۱۲مه رسنيو ته په لېږلې خبرپاڼه کې ويلي دي چې د صوبې په بېلابېلو برخو کې د بارانونو او سیلابونو له امله د مړو شویو کسانو شمېر ۶۴ ته رسېدلی دی. همداراز ۷۰۰ کورونه په جزوي يا په مکمل ډول وران شوي دي.
د سیند او بلوچستان صوبايي حکومتونو ويلي چې دوی ډيرو ځپل شويو سیمو ته د خوراکي موادو، خېمو او نورو اړينو موادو د رسولو چارو پيل کړي دي. د پاکستان د چاپيريال ساتنې وزیرې شيري رحمان تېره اونۍ ويليوو چې د بارانونو او سیلابونو دا لړۍ ښايي د اګست تر میاشتې پورې دوام وکړي.
که څه هم په پاکستان کې د قدرتي افتونو د نظم ادارې (اين ډي اېم اې) د جون په میاشت کې ويلي وو چې له بارانونو او سیلابونو د ډير تاوان مخنيوي او د خلکو سره د مرستې لپاره یې تدابیر نيولي خو په بلوچستان کې خلک واييچې دوی ته مرستې نه دې رسېدلې.
ستاسې سېسټم د HTML5 په چلولو کې ستونزه لري.
د بلوچستان سيلاب ځپلي د مرستو غوښتنه کوي