د ملګرو ملتونو امنیت شورا د اګست پر ۲۹مه د افغانستان په تړاو غونډه کوي.
د ملګرو ملتونو مطبوعاتي څانګې د اګست پر ۲۷مه وويل چې د بندو دروازو تر شا په دې غونډه کې به د افغانستان پر حالاتو بحث وکړي.
ځينو رسنيو ليکلي چې ښايي په دې بحث کې په افغانستان کې د بشري ناورين د مخنيوي په اړه خبرې اترې وشي.
تر دې مخکې ملګرو ملتونو ويلي وو چې په افغانستان کې ۲۴ ميليونه خلک بشري مرستو ته اړتيا لري.
په افغانستان کې طالبانو د ۲۰۲۱ کال د اګست پر ۱۵مه حکومت په زور نيولی وو او تر هغې ورسته اقتصاد خراب شوی، روزګار کم شوی او نړيوالې مرستې ټکڼۍ شوې دي.
که څه هم پر افغانستان د طالبانو د واکمنۍ تر یو کال زیات وخت شوی خو اوسه په نړۍ کې هیڅ هیواد هم په رسمیت نه دی پېژندلي.