د پاکستان وزیراعظم د مالیې نړيوال صندوق (ای اېم اېف) له لورې دې هېواد ته د پورونو ورکولو پروګرام د بحالی اقدام مهم بللی خو البته وايي چې دا يې منزل نه دی.
ای اېم اېف د اګست پر ۲۹مه نېټه په واشنګټن کې پاکستان ته د پور ورکولو د بحالی جاج واخیست او دې هېواد ته يې د يو اشاريه یو ارب (ميليارده) امريکايي ډالر ورکولو فیصله وکړه.
شهباز شريف د اګست پر ۳۰مه نېټه د ای اېم اېف دا ګام د پاکستان د اقتصاد د بحالۍ په لړ کې يو پړاو وباله چې په وينا يې دا به هېواد د اقتصادي بحالۍ پر لاره روان کړي.
آئی ایم ایف پروگرام کی بحالی معیشت کے لئے اہم ہے لیکن یہ منزل نہیں، مرحلہ ہے جو ملک کو معاشی بحالی کے راستے کی طرف لے کر جائے گا۔ معاشی خود انحصاری کے لئے ہمیں دن رات محنت کرنا ہوگی۔ پاکستان کو معاشی زنجیروں کے چنگل سے نجات حاصل کرنا ہوگی جس کا واحد راستہ ڈھانچہ جاتی اصلاحات ہیں۔
— Shehbaz Sharif (@CMShehbaz) August 30, 2022
خو نوموړي ويلي چې د پورونو پروګرام بحالول مهم دی خو دا د دې هېواد منزل نه دی بلکې د اقتصادي خود انحصادۍ لپاره به شپه او ورځ محنت کول وي.
هغه وويل"پاکستان باید هرو مرو د پورونو له ځنځيرونو ځان خلاص کړي او د خلاصون يوازينۍ لاره يې په معاشي ډهانچې کې اصلاحات کول دي."
د ماليې نړيوال صندوق د پورونو بحالولو تر پرېکړې وروسته په یو بیان کې ويلي چې پاکستاني چارواکو يوشمېر داسې ګامونه پورته کړي چې له امله یې په ۲۰۲۲ز مالي کال کې د سهولت ورکونکو پالیسیو او د اوکراین دجنګ له امله د پاکستان خرابېدونکی اقتصادی حالت ته د حل لاره پېدا کړي.
په بیان کې ويل شوي چې د یادو پالیسیانو او د اوکراین جنګ پر پاکستاني روپۍ او د دې هېواد په بهرنیو مالي زیرمو هم د پام وړ فشار راوړی دی. ای اېم اېف زیاته کړې چې پاکستان "په یوه ننګونکي اقتصادي پړاو کې دی."
دا هم وګورئ: ای اېم اېف څه دندې لري او څو ځلې یې پاکستان ته پور ورکړی؟د پاکستان د خزانې وزیر مفتاح اسماعیل د اکست پر ۲۹مه پر ټویټر لیکلي چې د ای اېم ایف بورډ د پاکستان لپاره د غځول شوو مالي پانګو د سهولت (ایکسټنډډ فنډ فېسیلټي پروګرام) بیا پیلولو منظوري ورکړې ده او باید اوس یو اعشاریه ۱۷ اربه ډالرو اووم او اتم قسط ترلاسه کړي.
د ايي ایم ایف لخوا دا خبر په داسې وخت کې مخې ته راغلی دی چې په پاکستان کې د سيلابونو له کبله د سلګونو کسانو په ګډون مالي تاوانونو اوښتي دي.
رويټرز خبري اژانس د پاکستان د منصوبه بندۍ وزیر احسن اقبال له قوله ليکلي چې د سیلاب له وجې د دې هېواد بسټيز جوړښت ته لوی زیان رسېدلی دی چې په وينا یې پر بیا رغونې به يې ۱۰ اربه (ميليارده) ډالر لګښت راځي. هغه زیاته کړې چې د بیا رغونې او بحالی پر چارو ښايي پینځه کاله وخت ولګېږي.