په شل اووریزه ایشیا کرکټ کپ سیاليوو کې پاکستان افغانستان ته ماتې ورکړه او فاینل ته ووت.
د سپتمبر په اوومه په شارجه کې شوې دې سیالۍ کې لومړی بېټينګ افغانستان وکړ او په ۲۰ اوورونو کې یې د ۶ لوبغاړو په اوټ کېدو ۱۲۹ رنزونه جوړ کړل. پاکستان دا هدف په شلم اوور کې د ۹ لوبغاړو په اوټ کېدو پوره کړ. شاداب خان د خپلو ۳۶ رنزونو او يو ويکټ اخیستو له امله د لوبې غوره لوبغاړی اعلان شو.
سري لنکا د دې سیاليو بله لوبډله ده چې لا واردمخه هغه فاینل ته رسېدلې چې د سپتمبر په يوولسمه په دوبۍ کې کيږي.