د اسلامي همکاریو سازمان وايي یو لوړپوړی پلاوی یې په کابل کې له طالب چارواکو او افغان سیاستوالانو سره پر مهمو سیاسي، حقوقي او بشري مسایلو خبرې کوي.
دغه سازمان د نومبر پر ۱۲مه په یو ټوېټ کې لیکلي چې د سرمنشي ځانګړي استازي طارق علي باخیت په کابل کې د طالبانو د بهرنیو چارو له سرپرست وزیر امیر خان متقي او د عدلیې له سرپرست وزیر عبدالحکیم سره لیدلي.
#OIC Secretary-General%27s Special Envoy for #Afghanistan Amb. Tarig Bakheet during his ongoing visit to #Afghanistan held meetings with Acting Minister of Foreign Affairs Mr. Amir Muttaqi & the Acting Minister of Justice Mr. Abdul Hakim separately in their respective offices. pic.twitter.com/hgMKfeRKig
— OIC (@OIC_OCI) November 12, 2022
په بیان کې زیاته شوې چې د افغانستان سیاسي، بشري، اقتصادي او حقوقي مسایل په دې لیدنو کې په مفصله توګه تر بحث لاندې راغلي دي.
د دوی په وینا، دا هغه مسایل دي چې د اسلامي همکاریو د سازمان د غړو هېوادونو د بهرنیو چارو وزیرانو له پرېکړه لیک سره سم لومړیتوب ورکړل شوی.
طارق علي باخیت د نومبر پر ۱۲مه په کابل کې له پخواني افغان ولسمشر حامدکرزي سره هم لیدلي وو.
حامد کرزي پر خپل فیسبوک لیکلي چې تعلیم د بشري ټولنې د ودې او ترقۍ اساس دی او په دې برخه کې یې له افغانستان سره د اسلامي همکاریو د سازمان د مرستو غوښتنه کړې ده.