قرة العین وزیر: غوسه د خلکو د ګټې لپاره کوم

د خيبر پښتونخوا د نوښار ضلعې د انتظامي مشر مرستیاله قرة العین وزیر وايي چې په طبيعت کې یې غوسه ده خو له ولس سره د خواخوږۍ لپاره کار ورڅخه اخلي. مېرمن وزير د نومبر پر ۱۶مه مشال راډيو ته وويل چې په دا وروستيو کې په خيبر پښتونخوا کې د سېلابونو پر مهال نوموړې په نوښار کې کور په کور وګرځېده او خلک يې د سېلابي اوبو رارسېدو وړاندې له کورونو را وايستل چې دغه ګام د يوشمېر کسانو د ژوند ژغورلو لامل شو. د مشال راډیو خبریالې ملیحه امیرزاده له قرة العین وزیر سره د هغې پر کار او ژوند ويډيويي مرکه کړې ده.