د افغانستان په پلازمېنه کابل کې د پاکستان پر سفارت بريد کې يو ساتونکی ژوبل شوی.
له راپورونو سره سم د ډېسېمبر پر دويمه په کابل کې د پاکستان شارزدافېير يا ناظم الامور عبيدالرحمان نظاماني په خپل سفارت کې روان وو چې ناڅاپه ډزې ورباندې وشوې. د ډزو په نتيجه کې د هغه ساتونکی ژوبل شو، خو نظاماني ته زيان نه دی رسېدلی.
لومړنۍ پلټنې ښيي چې نامعلومه وسلوالو سفارت ته له نېږدې ودانۍ څخه ډزې کړې دي، خو په کابل کې د طالبانو حکومت په دې اړه نورې پلټنې پيل کړې دي.
د پاکستان وزيراعظم شهباز شريف تر پېښې سمدستي وروسته پر ټويټر په خپاره کړي بيان کې د سفارت پر عملې بريد په سختو ټکو غندلی دی.
I strongly condemn dastardly assassination attempt on 🇵🇰 Head of Mission, Kabul. Salute to brave security guard, who took bullet to save his life. Prayers for the swift recovery of security guard. I demand immediate investigation & action against perpetrators of this heinous act
— Shehbaz Sharif (@CMShehbaz) December 2, 2022
نوموړي زياته کړې: "زه د دې ناوړه عمل د ژر تر ژره پلټنو او د عاملینو پر وړاندې د اقدام غوښتنه کوم."
پاکستانيو رسنيو د سفارتي سرچينو په حواله ليکلي چې په کابل کې د پاکستان د سفارت ټول کارکوونکي په موقتي ډول اسلام اباد ته غوښتل شوي دي.