د طالبانو له واک ته رسېدو وروسته د افغانستان پخوانی ولسمشر حامد کرزي په لومړي ځل له هېواده بهر ته سفر وکړ.
د کرزي د حکومت د مهال د مالیې وزیر ډاکتر عمر زاخېلوال پر خپله ټویټرپاڼه له کرزي سره خپل عکس، چې دواړه په الوتکه کې سپاره دي، خپور کړی او لیکلي یې دي چې دوی یوځای بهر ته ځي او هیله لري چې ژر بېرته به خپل هېواد ته ستانه شي.
After quite some time, it is a distinct pleasure & delight to be flying with the person who is exceptionally dear to me - former President #HaimdKarzai. It is then a greater delight to be returning home & we will be back soon inshallah! pic.twitter.com/Ij8BMnfJW6
— Dr Omar Zakhilwal (@DrOmarZakhilwal) December 3, 2022
په وروستیو کې ویل شوي وو چې حامد کرزي له طالبانو غوښتي چې ده ته اجازه ورکړي چې د درملنې لپاره جرمني ته لاړ شي، خو طالبانو اجازه نه ده ورکړې.
وروسته پخواني ولسمشر دا خبر رد کړ.
زاخېلوال په خپل ټویټ کې، چې د ډېسېمبر پر درېیمه یې خپور کړی دی، نه دي ویلي چې دی او کرزی کوم هېواد ته روان دي.