د هر کال په څير، دا ځل هم د پاکستان او هند حکومتونو د يو بل سره د ايټمي تاسیساتو او بندیانو لېستونه تبادله کړل.
د دواړو هېوادونو بهرنيو چارو وزيرانو د جنورۍ په لومړۍ نېټه په جلا جلا بیانونو کې د دې کار خبر ورکړی دی.
پاکستان او هند د يو بل حريف هېوادونه بلل کيږي خو په ۱۹۸۸ کال کې د کړي يو تړون له مخې هر کال د يو بل سره د بنديانو او ايټمي مرکزونو لېستونه شريکوي.
هند او پاکستان په ۱۹۴۷م کال کې د خپلواکۍ تر اخیستو وروسته د کشمیر پر سر څو ځل جنګونه کړي چې له امله یې اړيکې کړکېچنې دي.