د کابل چاودنه کې د مرګژوبلې په اړه ضد و نقیض معلومات ورکول کېږي

په کابل کې د بهرنیو چارو وزارت مخې ته په چاودنه کې یوشمېر کسانو ته مرګژوبله اوښتې ده. د فرانسې خبري اژانس په پېښه کې د ۲۰ کسانو د وژل کېدو خبر ورکوي خو د طالبانو حکومت یوازې د پینځو کسانو مړینه تاییدوي. اژانس دا هم وايي چې د پېښې پر مهال په وزارت کې له طالب چارواکو سره د یو چینایي پلاوي ملاقات هم متوقع وو. د اې اېف پي له ویډیو جوړ رپورټ.