پاکستان او امریکا د اقتصادي ودې، انرژۍ او په ځېنو نورو شعبو کې د همکارۍ لړ کې پر ژمنو د درېدو او په دې برخه کې د همکارۍ پر زیاتولو ټینګار کړی دی.
د پاکستان دولتي راډیو وايي، د امريکا د بهرنيو چارو په وزرات کې د انررژۍ څانګې مرستيال مشر جوفري پايټ په مشرۍ یو پلاوي د مارچ پر ۱۵مه په اسلام اباد کې له وزيراعظم شهباز شريف سره ملاقات وکړ.
د پاکستان حکومت د مارچ پر ۱۵مه پر خپله رسمي ټوېټر پاڼه په بیان کې لیکلي چې د امريکا لوړپوړو ډېپلوماتانو د ولسمشر جو بایډن د ادارې هیله تایید کړه چې "د سوداګرۍ، پانګونې، روغتیا، امنیت او د اقلیم د بدلون مخنیوي" په برخو کې له اسلام اباد سره همکاري زیاته کړي.
Assistant Secretary for Bureau of Energy Resources at U.S Department of State, Mr. Geoffery Pyatt called on PM Shehbaz SharifSenior U.S diplomats affirmed Biden Administration’s desire to enhance 🇵🇰🇺🇸 cooperation in areas of trade, investment, health, security & climate change. pic.twitter.com/nfsoQmRXvJ
— Government of Pakistan (@GovtofPakistan) March 15, 2023
وزیراعظم شهباز شریف ویلي چې د پاکستان او امریکا ترمینځ د انرژۍ امنیت په برخه کې خبرې اترې د دواړو هېوادونو په ګټه دي.
بیان زیاتوي چې نوموړي د امنیت، تجارت، پانګونې، صحت او د اقليم د بدلون مخنیوي په څانګو کې د پاکستان او امریکا ترمینځ د روانو خبرو اترو او همکارۍ هرکلی کړی دی.