د شمالي وزیرستان په میرلي کې د اپرېل پر اوومه وسلوالو په هدفي برید کې یو تن په ډزو وژلی دی.
د میرلي یو پولیس افسر د نوم نه څرګندولو په شرط مشال راډیو ته وویل، وسلوالو خدي مارکیټ ته څېرمه د بنو او میرامشا پر سړک پر زاهد نومې کس ډزې وکړې او هغه یې پر ځای وواژه.
پولیس افسر زیاته کړه چې د پېښې په اړه یې د نامعلومو کسانو پرضد مقدمه لیکلې ده.
دا په شمالي وزیرستان کې د ۲۰۲۳م کال له پېل راهیسې ۱۱م هدفي برید دی. تېر کال هلته ۴۷ ورته پېښې شوې وې.