د پاکستان د شمارياتو اداره وايي، په ډيجیټل (برېښنايي او کمپیوټري) سرشمېرنه کې یې تر ۲۳ کروړه زیات خلک شمېرلی دي.
دا په داسې حال کې ده چې د وړوکي اختر د رخصتۍ له امله په هغه هېواد کې د سرشمېرنې عمل ځنډول شوی دی.
ادارې د اپرېل پر ۲۰مه پر خپله رسمي ټویټر پاڼه لیکلي دي چې تر اوسه یې ۲۳ کروړه، ۵۳ لاکه، ۸۸ زره او ۸۹ کسان (۲۳۵،۳۸۸،۰۸۹) شمېرلي دي.
دا شمېره د ۲۰۱۷ز کال د سرشمېرنې پرتله ۱۲.۹۸ سلنه یا ۲۷ مېلیونه زیاته ده. په هغې سرشمېرنه کې د پاکستان ابادي ۲۰۷ مېلیونه ۶۸ زره ښودل شوې وه.
د شماریاتو د ادارې وياند سرور ګوندل ويلي دي د ډيجيټل سرشميرنې عمل د اختر تر رخصتيو وروسته د سرشمېرنې د څارنې کمېټۍ په رڼا کې بيا پيلوي.
هغه وویل، روانه سرشمیرنه او كور شمېرنه د اپرېل له ۲۱مې تر ۲۵مې بنده شوې ده.
#DigitalCensusPk updates as of 20 April 2023#Census2023 pic.twitter.com/MtMWFqNYGv
— Pakistan Bureau of Statistics (@PBSofficialpak) April 20, 2023
په پنجاب کې تر دې دمه تر ۱۱۶ مېلیونه زیات کسان شمېرل شوي او په سیند کې ۵۲ مېلیونه خلک شمېرل شوي دي.
دا راز په خیبر پښتونخوا کې ۳۹ مېلیونه او په بلوچستان کې ۱۹ مېلیونه خلک شمېرل شوي دي.
تازه شمېرې ښيي چې د ټول پاکستان ترڅنګ د کراچۍ او لاهور په شمېر کې هم د پام وړ زیاتوالی راغلی دی.
په پاکستان کې سږنۍ سرشمېرنه د هغه هېواد د تاریخ اوومه سرشمېرنه ده. دا د مارچ پر لومړۍ نېټه پيل شوې وه. ټاکل شوې وه چې سرشمېرنه به د مارچ تر پايه بشپړه شي خو وروسته دغه نېټه وغځول شوه.
په پاکستان کې دا لومړۍ ډېجیټل سرشمېرنه ده.
دا هم وګورئ:
د پاکستان په ۱۹ ښارونو کې د سرشمېرنې موده د اپرېل تر ۱۵مې غځول شوېبلوچستان کې پر اوښانو ناستو چارواکو سرشمېرنه وکړه مولانا جمال الدین وايي تر سرشمېرنې مخکې په قبایلو کې انتخابات نه قبلويد شماریاتو ادارې ويلي، هغه خلک چې د پاکستان شناختي کارډونه لري، شماري او په اړه یې معلومات غونډوي. په ډېجیټیل سرشمېرنه کې د کورنیو د ګټې یا امدن او اقتصاد په اړه هم پوښتنه کېږي. په دې توګه دا د پاکستان د کورنیو لومړۍ اقتصادي شمېرنه هم ده.
له دې سره به حکومت ته دا هم معلومه شي چې په کومو څانګو یا برخو کې د خلکو روزګار زیات دی، په کومو کې کم دی او حکومت باید کومو برخو ته زیاته پاملرنه وکړي.