د پاکستان بېلابېلو برخو کې ګراني او بې روزګاري زیاته شوې ده

په داسې حال کې چې د پاکستان حکومت د جون پر نهمه قامي اسمبلۍ ته نوي مالي کال بودیجه وړاندې کوي، د هغه هېواد په بېلابېلو ښارونو کې ګراني زیاته شوې او روزګار کم شوی دی. حکومت وايي، د یو لړ پالیسیو په مرسته وضعیت ښه کوي، خو خلک وايي، حکومت دې عملي اقدامات وکړي. خلک وايي، ګراني او خراب اقتصادي وضعیت به سږ کال په اکتوبر کې د انتخاباتو یوه لویه موضوع وي او هغو ګوندونو ته به رایه ورکوي چې د روزګار موقعو برابرولو پخې ژمنې وکړي. د اې اېف پي له ویډیو جوړ رپورت.