په پېښور کې وسله والو د جون پر ۲۴مه ناوخته یو سیک وګړی په ډزو وژلی دی.
د پولیسو یو ځايي چارواکي ګوهر خان نن ویلي، داسې ښکاري چې د منموهن سینګ په نامه دا ۳۵ کلن سیک وګړی په هدفي توګه وژل شوی دی خو د ده په وینا، پلټنې روانې دي.
ګوهر خان ویلي، پر نوموړي هغه مهال برید شوی چې دی له اطرافو څخه کور ته روان وو. د اسلامي دولت وسله والې ډلې داعش د دې زمه واري منلې ده.
دا په روان کال کې په پاکستان کې پر سیکانو دریم برید دی.