د فرانسې په مرکز پاریس کې د پولیسو لخوا د ټرافیکي پلټنو پرمهال د یو ۱۷ کلن هلک تر وژل کېدو وروسته پارلېدلې مظاهرې د هیواد نورو برخو ته هم غځیدلي دي.
مظاهرچیانو په پاریس کې ګاډو او سرکاري ودانیو ته اور ور اچولی. د امنیت د زیاتو کوششونو او د ولسمشر لخوا د ارامه پاتې کېدو غوښتنې سربېره ناکراري د هیواد نورو ښارونو او ښارګوټو ته غځېدلې ده.
د جون پر ۲۷مه د ټرافیکي چیکنګ پر مهال د یو ۱۷ کلن هلک نایل وژنه، په یوه ویډیو کې خپره شوی چې په هیواد کې یې خلک په غوسه کړي. دغه د ځوانانو او پولیسو تر منځ اوږدمهاله تاوتریخوالی رامینځته کړی دی.