د پاکستان پوځ ادعا کوي چې د خیبر پښتونخوا په ټانک او شمالي وزیرستان کې یې په نښتو کې شپږ وسلوال وژلي دي.
د پوځ مطبوعاتي څانګې (ايي اېس پي ار ) د جون پر ۳۰مه په یو بیان کې وویل چې د جون د ۲۹مې او ۳۰مې په منځنۍ شپه په ټانک کې وسلوالو او امنيتي سرتېرو پر یو بل ډزې وکړې چې په کې یې درې وسلوال ووژل.
اي اېس پي ار وایي، د شمالي وزيرستان په رزمک کې هم په ورته نښته کې درې وسلوال وژل شوي دي.
پوځ دا نه دي ویلي چې د کومې ډلې له وسلوالو سره یې نښته شوې او لا هېڅ وسلوالې ډلې یې هم په اړه څه نه دي ویلي.