له سعودي عربه پاکستان ته د حاجیانو ستنېدنې لومړني پروازونه د جولایي پر دویمه پیلیږي.
د پاکستان سرکاري راډیو ترمخه، حاجیان به په پاکستان نړیوال هوايي شرکت، اییر بلیو، سیرین اییر او د سعودي عرب هوايي شرکت کې سفر کوي.
د مذهبي چارو وزارت ویاند ویلي چې د جولایي پر دویمه له جدې کراچۍ، فېصل اباد او اسلام اباد ته یو یو پرواز ځي چې پکې ۶۹۳ حاجیان سفر کوي.
سږ کال د نړۍ د بېلا بېلو هېوادونو شاوخوا دوه ميليونه مسلمانانو د حج مراسم ترسره کړل چې د پاکستان حکومت په وينا، پکې ۱۷۹ زره پاکستانيان ول.