د ایران دولتي رسنۍ وايي چې نامعلومو وسلوالو او ځانمرګي بریدګرو نن (د جولاۍ پر اتمه) د هیواد په ناکراره جنوب مشرقي سیمه کې د پولیسو په مرکز برید کړی.
په حمله کې د مرګ ژوبلې په اړه سمدستي رپورټ نه دی ورکړل شوی.
د ایران رسمي خبري اژانس اېرنا د باخبرو سرچینو له خولې ویلي چې دوو حمله کوونکو د سیستان بلوچستان ولایت په مرکز زاهدان ښار کې په برید کې خپل چاودیدونکي کمر بندونه چولي دي.
دولتي رسنۍ وايي چې په سیمه کې اوس هم نښتې روانې دي.