د بخښنې نړیوال سازمان (ایمنسټي انټرنېشنل) پر پاکستاني چارواکيو غږ کړ چې لادرکه عبدالحمید زهری دې پیدا او خوشی کړي.
سازمان د جولای پر نهمه پر ټویټر په یو بیان کې لیکلي چې دوی د عبدالحمید زهري له کورنۍ سره ولاړ دي.
بیان زیاته کړې، که زهری د پاکستانیو چارواکیو په ولکه کې وي نو زر تر زره دې خوشی کړي او یا دې هم په سمدستي توګه ولسي عدالت ته وړاندې کړي.
🇵🇰 Pakistan: Amnesty International stands in solidarity with the family of Abdul Hameed Zehri who was disappeared on 10 April 2021. We call on Pakistani authorities to disclose the whereabouts of Abdul Hameed Zehri and if in their custody, immediately release him or promptly…
— Amnesty International South Asia, Regional Office (@amnestysasia) July 9, 2023
د عبدالحمید زهري کورنۍ وايي، هغه د ۲۰۲۱م کال د اپرېل پر ۱۰ نېټه په کراچۍ کې له خپله کوره پورته کړل شوی وو او تر اوسه دا نه ده معلومه چې هغه چېرې دی. د سازمان د بیان په غبرګون کې پاکستاني چارواکيو لا څه نه دې ويلي.
په پاکستان کې بلوڅ او پښتانه ملتپال د پاکستان جاسوسي او امنیتي ادارې د خلکو په پورته کولو تورنوي خو استخباراتي ادارې او حکومت دا تور ردوي.