د برتانیا حکومت ویلي دي چې اوکراین ته د پوځي سامانونو د مرمت او د پوځیانو د بحالۍ مرکز جوړولو لپاره ۶۴.۶۵ مېلیونه ډالر ورکوي.
د برتانیې حکومت د جولای پر ۱۱مه وویل چې د مرستو پر هغه نوي قسط روانه اوونۍ د ناټو په سرمشریزه کې بحث کېږي.
ټاکل شوې چې برتانیا او د لوی اقتصاد لرونکو اووه هېوادونو ټولنې (جي اووه) مشران په غونډه کې اوکراین ته د زرګونه میله اضافي وسلو او تر ۷۰ زیاتو جنګي او لوجېسټيکي ګاډو پر ورکړه وغږېږي.
د ۲۰۲۲ز کال په فبرورۍ کې پر اوکراین د روسیې له یرغل راهیسې غربي هېوادونو هغه هېواد ته د اربونو ډالرو پوځي او ملکي مرستې ورکړې دي.