د افغانستان د اوسپنې پټلۍ ادارې مشر له پاکستاني او ازبکستاني چارواکو سره د رېل ګاډي د پروژې په اړه د خبرو لپاره اسلام اباد ته تللی دی.
د طالبانو تر کنټرول لاندې د باختر خبري اژانس د جولای پر ۱۶مه رپورټ ورکړی چې ملا بخت الرحمن شرافت به له پاکستاني چارواکو سره د ټرانز – افغان د پروژې په اړه خبرې وکړي.
A delegation of Afghan railway authority headed by its chairman and general director Mr. Bakhturehman sharafat departed from Kabul international airport to Pakistan by the invitation of Pakistan railway ministry to participate in a tripartite conference of Afghanistan,1/3 pic.twitter.com/NMkX6fHEEJ
— Afghanistan Railway Authority (@afghanrailway) July 16, 2023
رپورټ زیاتوي چې د دغې پروژې تخنیکي اړخونه به د ازبکستاني چارواکو په ګډون په یوه درې اړخیزه غونډه کې وڅېړل شي.
تر دې مخکې تیره اونۍ د هرات– خواف د اوسپنې پرپټلۍ د سوداګریزو توکو لیږد رالیږد پیل شوی وو. دغه ۲۲۵ کیلومتره پټلۍ د افغانستان هرات د ایران له خواف سيمې سره نښلوي.