کراچۍ کې د یو پښتون سوداګر د وژنې ضد مظاهره شوې ده

په کراچۍ کې کاروباريانو د يو پښتون سوداګر د وژنې پر ضد مظاهره کړې ده. پوليس وايي چې د اګست پر لومړۍ نېټه غلو عارف مسيد په سهراب ګوټ کې په خپل دوکان کې وژلی دی. مسید په کراچۍ کې د ټایرونو دوکان درلود. د اګست پر دویمه کاروباریانو او په کراچۍ کې اوسېدونکو ګڼو پښتنو په سهراب ګوټ کې تر یوشمېر ساعتونو پورې د کراچۍ او حیدراباد ترمینځ لوی سړک تړلی وو او د مسید په وژنه کې یې د ککړو کسانو د نیولو غوښتنه کوله. پولیسو مظاهرچیانو ته د پېښې د پلټنو او د ککړو کسانو د ګرفتارولو ډاډ ورکړ چې تر هغې وروسته احتجاج ختم شو. په کراچۍ کې تر دې مخکې هم يوشمېر پښتانه وژل شوي چې پرضد يې مظاهرې شوې دي. ویډیويي رپورټ.