په افغانستان کې د طالبانو حکومت وايي، د پاکستان له زندانونو ۲۵ نور افغانان خوشې شوي دي.
د طالبانو د حکومت د کډوالو چارو وزارت د اګست پر پينځمه په يو خبرپاڼه کې ويلي چې له دې سره په تېره يوه اوونۍ کې له پاکستانه د ورستنو شويو کډوالو شمېر ۹۴۶ ته رسېدلی دی.
د وزارت وینا، په هغو کې ۹۲۱ افغانان په خپله خوښه هېواد ته ستانه شوي دي.
نزدیک به هزار نفر مهاجر افغان از پاکستان به کشور عودت نمود946 نفر مهاجر افغان، از تاریخ 7 الی 12 اسد از پاکستان به وطن عودت نموده است.به گفته امر سر حدی ریاست امور مهاجرین قند هار در سپین بولدک، از جمله افراد مذکور 921 نفر، طور داوطلبانه و25 تن دیگر محبوسین آزاد شده از حبس1/1 pic.twitter.com/qEG5OFZqjF
— Ministry of Refugees (@MoRRAfg) August 5, 2023
طالبانو دا نه دي ويلي چې تازه خوشې شوي کسان په پاکستان کې په کومو جرمونو قيد وو. خو په تېرو وختونو کې پاکستانيو پولیسو ډېری افغانان د قانوني اسنادو نه لرلو په تور بندي کړي دي.
په همدې حال کې د پاکستان حکومت ويلي چې نويو ورغلو افغانانو ته د کډوالو حیثیت نه شي ورکولی.
د هغه هېواد د بهرنیو چارو ریاستي وزیرې حنا رباني کر د اګست پر درېيمه د اردو ژبې له آج نيوز ټېلېوېژن سره په مرکه کې وویل چې د ۲۰۲۱ز کال د اګست پر ۱۵مه پر افغانستان د طالبانو له واکمنېدو راهیسې پاکستان ته ۷۵۰،۰۰۰ افغانان کډه شوي دي خو اسلام اباد ورته د کډوالو حیثیت نه شي ورکولی.
پر افغانستان د طالبانو له واکمنېدو راهیسې په لکونو افغانان، پاکستان، ايران او غربي هېوادونو ته کډه شول.