د فرانسې د تعلیمي او ځوانانو چارو وزیر ویلي دي چې د هغه هېواد په دولتي ښوونځیو کې د عبایا پر اغوستلو بندیز لګوي.
هغه د اګست پر ۲۷مه د دې دلیل دا وښود چې د ځینو مسلمانو ښځو جامې د تعلیم په اړه د فرانسې د "سختو سیکولرو قوانینو" سرغړونه ده.
د تعلیم وزیر ګابریل اتل ټي اېف ۱ ټېلېوېژن ته وویل "دا به نور امکان و نه لري چې په ښوونځيو کې څوک عبایا واغوندي."
هغه زیاته کړه چې په راتلونکې میاشت کې ټولګیو ته د زده کونکو تر ستنېدو مخکې په ملي کچه په دې اړه نور تفصیلات او مقررات جوړوي.
د فرانسې ښي لاسو ګوندونو پر عبایا د بندیز لپاره فشار راوړی وو، خو کیڼ لاسي سیاسي ګوندونه وايي چې دا بنديز مدني ازادي تر پښو لاندې کوي.